windows 8 sleep mode siam that dan

 

Computer i han On-in emaw, Log out (Log off) hnua i log on leh a, windows-a tlang zo loin blank screen (screen dum or screen hring, etc.) chiah a lo lang a, mouse chu lang thei tho si a nih chuan chhan hrang hrang awm thei zingah sleep mode vang a ni duh khawp mai. He tianga a awm chuan a hnuaia mi ang hian i siam tha dawn nia.

A hmasa berin Ctrl+Alt+Delete hmet la, duhthlan tur lo lang zingah 'Task Manager'-ah i lut ang. Task Manager chu a lo inhawng ang a, vei lam chung kila 'File' atangin 'Run new task' ah kal la, 'Open:' tih zawnah khan Control tih type la, a hnuaia 'Create this task with administrative priviledges' tih-ah khan check mark dah la, Enter i hmet ang. Tichuan Control Panel chu a lo in-hawng ang.

Control Panel chu i hawng ta a, a chung bera 'System and Security'-ah lut la (View by: Category a nih loh erawh chuan 'Power Option'-ah direct-in i lut dawn nia), icon hrang hrang lo lang zinga 5-na 'Power Option'-ah lutin vei lam tlar thlaa a hnuai ber 'Change when the computer sleep'-ah i lut ang. Khata lo lang ho kha a mal te tein 'Never'-ah i dah vek dawn nia. Chuan Save changes click la (amaha a back loh chuan back leh la), vei lam tlara a chung ber dawttu 'Choose what the power button does'-ah pawh khan 'Do nothing' i ti vek dawn nia. Save change la, i close vek hnuah Ctrl+Alt+Delete hmet lehin dinglam hnuaia power option atangin computer i restart ang.

Hei hi windows leh hardware lam emaw, driver inmil tawk loh vang pawhin a awm thei a. Tuna kan sawi anga hian a siam that theih mai zel a ni. A lo awm leh a nih pawhin restart la, a dik nghal tawh mai ang. A rei deuh hnuah phei chuan a tha hlen ve mai thin.

Note: Windows 8 i hman chuan, sleep mode vanga i buai loh na'n tuna kan sawi ang hian i lo inveng sa thei bawk.

Note II : Software eg. Antivirus i hmang anih chuan han un install chhin teh.(might help)