COMPUTER ENKAWL DAN

Ṭhenkhat chuan computer chak deuh an nei a, ṭhenkhatin chak vak lo an nei a, computer chak ṭha nei te buai lohnaah computer chak vak lo neite chu kan buai kan buai thei a, a enkawl dan lam kan thiam a ngai thung a ni. Computer hi khawl thil a nih avangin a hmangtu a zirin a tloin a tlo lo thei a, kan enkawl dan leh khawih dan dik loh avangin mi ṭhenkhat buai lohnaah kan buai fo thei bawk. Computer-in a zawh tawk bak hna kan thawh tirte hian computer a buai phah fo ṭhin a, chuvangin hriat tur pawimawh zualpui han sawi ila, a ṭha awm e.

(1)   Starting Windows

Windows kan han start chiah khan application hrang hrang hman theih tura a in-function kim dap hun nghah ṭhin a ṭha. Chumi hnuah My Computer-a kan luh hmain Desktop-ah khan vawi 8 tal Refresh ṭhin ila, a in-refresh ṭhat hnuah My Computer-a luh chauh tur a ni. Duhthusamah chuan My Computer kan hawn chiah khan Drive danga lut nghal mai loin vawi 4 vel refresh-in chhuak leh ila, chumi hnuah chuan duh anga khawih tawh mai tur a ni.

Folder hrang hranga kan luh khan kan luhna folder chhungah vawi khat tal refresh ṭhin ila, folder aṭanga kan chhuah lehin emaw, Desktop-a kan awmin emaw a khat tawka refresh ṭhin a ṭha bawk. Refresh hian kan thil khawite kha system tibuai lo turin a lo rem fel ṭhin a, ngaihthah mai mai loh tur a ni.

(2)   Restart Windows

Windows hi a khat tawka Restart ṭhin a ṭha a, a khat tawka kan restart hian computer tibuai thei thil tam tak kan pumpelh thei bawk. Hna laklawh kan nei a nih loh chuan Darkar khat dan talah Windows Restart ṭhin a ṭha. A chhan chu computer hian kan thil khawih hrang harangte kha a lo record vek ṭhin a, a in-function ṭhat hma a, thil dang lo khawi chhen kan tumte hian a buai phah thei a, computer a hang phah ṭhin a ni.

(3)   Computer Hang

Computer chak leh chak loh vang pawh niloin, kan thil khawihin a zir loh vang emaw, software/file lam dik tawk loh vang emaw-in computer hi a hang (a tâng) ve ṭhin a, hei hi thinchhiat vang emaw/nghah peih loh vang emaw-a close (khar) lo tum phêt hi a ṭha lo a, nasa zawkin a buai phah thei zawk a ni. Chuvangin, a in-function hun nghah hram hram a ṭha a, a rei ta deuh a nih chuan Ctrl+Alt+Del hmet-in a hang bera chu kan End Task mai tur a ni. Thil ṭhenkhat a hang hian han close (Close botton han click) ila, End Now tihte a lo lang a, chu chu click-a a zawh hun nghah mai tur a ni.

(4)   Recent / Temp

Computer-a kan thil khawih reng reng hi Recent-ah hian a lang vek zel a. Hei hi a tam lutuk chuan computer a muan phah ve thei a ni. Windows+R hmet la, Recent tih chhu la, Enter rawh. I thil khawi lo in-record ho kha i delete (paih) ṭhin dawn nia. Chutiang bawkin Temp & %Temp% pawh hi clear ṭhin a ṭha.

(5)   Defragment & Disk Check

Windows hi thla thum danah tal load ṭha ṭhin ila, a hmang thiam chuan kum khatah vawi vel chauh pawh an load ṭhin bawk. Windows tibuai thei thil thenfai/rem fel nan tunlaiah chuan software chi hrang hrang a tam tawh a: Advance System Care, CCleaner, Error Repair etc. tam tak a awm a, hman ve ṭhin pawh a ṭha. Software hran hmang lo pawhin windows-in a ken tel aṭangin computer hi tuai thar ve ṭhin tur a ni.

Defragment: Start> All Program> Accessories> System Tools> Disk Defragmenter aṭangin Drive hrang hrang a defrag theih a, drive dang i ti peih lo a nih pawhin system drive tal chu a khat tawkin ti ṭhin ang che.

Disk Check: Right click> Properties-ah i kal ang a, Tools> Check Now> Check Disk Option tihah kha a pahnihin i tick ve ve dawn nia. Chuan Start i hmet ang a, a zawh hun i nghak ang. Hetah hian i tih dah a tam leh tam loh a zir te, i tih khat deuh chuan a in-check chhung hi a rei ve thei a, darkar chanve aṭanga darkar 2 lai te pawh a ni thei bawk. Hetianga i tih ṭhin chuan i computer-a thil hnawk kha a inrem ṭha ang a, file chhia a paih bawk ang a, space (hmun awl) a siam belh thei a ni. Hei hi computer tan chuan damdawi ṭha ber a ni a, a check chhung a rei deuh ṭhin avangin kan ti peih lo fo ṭhin.

(6)   Delete File

Computer-a thil duh loh kan delete hian delete dan chi hnih a awm a, fimkhur a ngai khawp mai. Right Click-a Delete Key hmehin emaw, keyboard-a Delete Key hmehin emaw-a kan delete chuan Recycle Bin-ah a lut a. Delete tawh kan duh leh a nih pawhin Double click-in emaw, Right Click-in emaw Restore ti ila, a hmun ngaiah a awm leh thei a ni. Mahse, kan duh tawh loh tak tak ang chi chu Keyboard-a Shift+Del key hmet kawpin a delete theih a, hetia kan delete chuan Recycle Bin-ah lut tawh loin computer atnagin a paih nghal tihna a ni. I tihsual palh a, i la let duh a nih chuan Recovery Software i hman ngei a ngai tawh ang.

(7)   Empty Recycle Bin

Recycle Bin-a thil a tam lutuk te hian computer hi a muan phah ve thei a, chuvangin Recycle Bin hi tih ruah ṭhin a ṭha. Recycle Bin empty (tihruah) dan chu, amah kha right-click la, Empty Recycle Bin tih kha click mai tur a ni. Recycle Bin i tihruah dawn chuan hawng phawt la, i thil duh a la awm leh awm loh en ciang hmasa la, fimkhur takin tiruak ṭhin ang che.

(8)   Shut down Computer

Computer kan shut down (Off) dawn a nih chuan pangai taka Off thlap a ṭha. Start botton aṭangin Shut down ṭhin ila, shortcut kan hmang duh a  nih pawhin Alt+F4 hmeha Enter hmeh hi a him bawk. Direct-a keyboard Power botton hmeh emaw, CPU power botton hmeh hi chin loh hram tur a ni.