Enge ni le Overclocking awmzia hi?

Overclocking chu a siamtu tena him tawk tura an ngaih CPU/GPU speed an siamsa aia tihsan a tih

theih awm e. Overclock chuan khawl chak phah sawt mahse sa (heat) a pechhuak nasa ve leh thung a, atihdaihna tur hmanrua hman belh pawh angai dawn a ni.

         Entirnan i CPU speed kha 4.0GHz te lo ni ta se, overclock hnuah chuan 4.5GHz daih te a ni thei
tihna a ni. Amaherawhchu, overclock dawn chuan hriat tur pawimawh tak tak a awm a, chungte chu tarlang ta ila:

i) hardware engpawh kha chhe thut thei dinhmunah a awm tih hria la, fimkhur taka tih tur a ni.

ii) overclock dawnin ‘bus speed’ leh ‘memory multiplier’ kha tlem te te a tihdanglam zeuh zeuh
 tur a ni. Tih danglam apiangin khawl kha ‘stress test’ neih zel a tha.

iii) khawl pahnih configuration inang reng pawh overclock theih chen a inanglo tih hriat tur a ni.
iv) video game performance tih that ngawr ngawr i duh chuan GPU kha i overclock zawk dawn
 nia, rah tha i hmu zawk ang.

v) laptop chu khawl tihdaih (cooling) lampangah tih theih a tam vak loh avangin overclock
 atan chuan a tihchi vak loh.

Overclock dan chu BIOS settings atanga Base Clock Speed (BCLK), Memory Multiplier leh Voltage

thlak kual vel a ni. A tlangpui thuin Clock Speed hi khawih che lovin Multiplier leh voltage an thlak phawta, test neih hnuah a that chuan clock speed leh voltage te thlak danglam zelin khawl a mumal loh thlengin(entirnan, bluescreen etc.) an nawr ta a, tichuan khawl tan theihtawp chu a hriat ta thin a ni. Chipchiarzawkin remchang awm hunah kan la rawn ziak dawn nia. Source : Gadget Freak